شاهین آسمایي د شېخ کمال ۲۰۱۷ کال نړېواله جام کې د خپل ډله‎ییز پړاو لومړې سیالۍ کې د بنګلادېش چېټاګونګ آباهاني پر وړاندې میدان ته ځي. دا لوبه د کابل پر وخت له غرمې نه وروسته په ۰۵:۳۰ بجو په لاره اچول کېږي.

شاهین آسمایي، د افغانستان روشن غوره لیګ ۱۳۹۵ کال اتل، د شېخ کمال ۲۰۱۷ کال سیالیو کې د ګډون جواز ترلاسه کړ. دا ټورنمنټ، اته بېلابېل آسیایي فوټبال کلبونه سره راټولوي. دا سیالۍ د ۱۳۹۵ کال د سلواغې له ۳۰ نېټې څخه تر ۱۴ نېټې پورې د بنګلادېش هېواد چېټاګونګ ښار کې په لاره اچول کېږي.

بویر اګمابرډیوو او امرالدین شریفي، د شاهین آسمایي روزونکی او کپټان، نن د ۱۳۹۵ کال د سلواغې په ۱۸ نېټه په یوې خبري ناستې کې د آسیا فوټبال کنفډراسیون ۲۰۱۷ کال جام کې د تاجېکستان حاصلات لوبډلې پر وړاندې راتګ سیالۍ په اړه خبرې وکړې.

د آسیا فوټبال کنفډراسیون ۲۰۱۷ کال جام کې د تاجېکستان حاصلات فوټبال کلب پر وړاندې د شاهین آسمایي لومړنې حدفي سیالۍ، د دوشنبې ښار جمهوري مرکزي لوبغالې کې د ۱۳۹۵ کال د سلواغې په ۱۲ نېټه، د کابل پر وخت له غرمې نه وروسته په ۰۳:۰۰ بجو، په لاره واچول شوه.