د پروان سیمه ییز ټورنمنټ د جون د ٩ نېټې څخه تر ١٢ نېټې پورې د پروان ولایت په مرکز، د پروان د فوټبال په سټدیوم کې په لاره واچول شوو. د پروان A ، پروان B ، کاپیسا ، پنجشیر ، دایکندی  بامیان په نوم شپږ ټیمه، د لوېدیځ ختیځ د سیمې هغه ۶ ولایتونه ول چې په دې ټورنمټ کې د ګډون لپاره د ډیرو سختو ستونزو په زغملو سره راغلي ول تر څو وکولائ شي خپل هیلې په ریښتیا بدلې کړي.

د افغانستان روشن غوره لیګ د افغانستان د شمال نه تر سهیله او د ختیځ نه تر لوېدیځه سیالۍ ترسره کړې!

بلاخره د مرکز په زون کې یعنی د پروان ښکلی ولایت، هغه زون چې خلکو یې د لازیات شور او هیجان سره د افغانستان روشن د غوره لیګ د ټولو هغه ټیمونو او لوبغاړو تود هرکلی وکړ چې د دایکندي، پنجشیر، کاپيسا، او بامیان ولایتونو څخه ګډون کړی وو. د سیالیو په لړ کې زرګونو کسانو ګډون کړی وو تر څو خپل د خوښې ټیمونه وهڅوي او د سیالیو څخه خوند واخلي.

هغه سیالۍ چې د ٤ ورځو په لړ کې په لاره واچول شوې وړو او لویانو، زړو او ځوانانو، حتا ماشومانو د ډېرې لیوالتیا سره د پروان ولایت د چاریکار ښار په ورزشي ستدیوم کې ګډون کړی وو، او ټولو یوه موخه درلوده " تل د په افغانستان کې سوله وي" او په همدې هیله یې د مخدره توکو څخه د تش افغانستان هیله وکړه.

د افغانستان د فوټبال فدراسیون مسؤلینو د هر لوبغاړي د مهارت او کړنې پر بنسټ، د دې ۶ ټیمونو له ډلې ۲۶ کسه وټاکل. د دې لوبغاړو شمېر به وروسته په یوې ډله ییزې لوبې کې د یوې دقیقې ټاکنې څخه وروسته ۲۱ کسانو ته راټیټ شي. ۲۶ لوبغاړي په دوو ټیمونو وېشل کیږي چې د یو بل په وړاندې به سیالۍ ترسره کړي. د افغانستان د فوټبال د فدراسیون مسؤلین به په دې لوبه کې د وروستیو ۲۱ کسانو لست وټاکي چې په رسمي توګه به د مرکزی له سیمې او" عقابان هندوکش " د ټیم څخه استازیتوب وکړي.