د کندز سیمه ییز ټورنمنټ د مې د ۱٨ نېټې څخه تر ٢۱ نېټې پورې د کندز ولایت د مرکز د شاروالی د فوټبال په سټدیوم کې په لاره واچول شوو. د کندز ، بدخشان ، تخار ، او بغلان په نوم شپږ ټیمه، د شمال شرق د سیمې هغه ٤ولایتونه ول چې په دې ټورنمټ کې د ګډون لپاره د ډیرو سختو ستونزو په زغملو سره راغلي ول تر څو وکولائ شي خپل هیلې په ریښتیا بدلې کړي.

د فوټبال زرګونه پر شوره مینه وال د کندز د سیمه ییز ټورنمنټ لپاره چې د " سیمرغ البرز" د ټیم د لوبغاړو د ټاکلو په موخه ترتیب شوي وه، راټول شوي ول. مینه وال د بدخشان، کندز، تخار او بغلان ولایتونو د لرې سیمو څخه د خپل ټیم د هڅولو لپاره راټول شوي ول. هیجان او خوښۍ د مینه والو په څیرو کې ښکاریده او د هغوي ګڼ شمېر ګډون د فوټبال سره د دې سیمې د مینې ښکارندوئ وه. په تېرو دوو لیګونو کې ګډون او د ملي ټیم بریالیتوبونو د ځینو لوبغاړو لپاره هیجان او ښه انګیزه رامنځته کړې وه په داسې توګه چې د هغوي غوره نندارې په ذهنونو کې د یو ښه ملي ټیم د درلودو هیله ژوندۍ کړه.

د افغانستان د فوټبال فدراسیون مسؤلینو د هر لوبغاړي د مهارت او کړنې پر بنسټ، د دې ۶ ټیمونو له ډلې ۲۶ کسه وټاکل. د دې لوبغاړو شمېر به د جون په ۳۰ نېټه په یوې ډله ییزې لوبې کې د یوې دقیقې ټاکنې څخه وروسته ۲۱ کسانو ته راټیټ شي. ۲۶ لوبغاړي په دوو ټیمونو وېشل کیږي چې د یو بل په وړاندې به سیالۍ ترسره کړي. د افغانستان د فوټبال د فدراسیون مسؤلین به په دې لوبه کې د وروستیو ۲۱ کسانو لست وټاکي چې په رسمي توګه به د شمال شرق له سیمې او د " موج های آمو " د ټیم څخه استازیتوب وکړي.