د هلمند سیمه ییز ټورنمنټ د مې د ۱۱ نېټې څخه تر ۱۴ نېټې پورې د هلمند ولایت د لښکرګاه د کرزي د فوټبال په سټدیوم کې په لاره واچول شوو. د هلمند الف، هلمند ب، زابل، کندهار، ارزګان، او نیمروز په نوم شپږ ټیمه، د لویدیځ د سیمې هغه ۵ ولایتونه ول چې په دې ټورنمټ کې د ګډون لپاره د ډیرو سختو ستونزو په زغملو سره راغلي ول تر څو وکولائ شي خپل هیلې په ریښتیا بدلې کړي.

په ایران کې مېشت ځینې نور کډوال لوبغاړو هم د ډیرو ستونزمنو شرایطو په درلودو او د خپلو کورنیو او ملګرو څخه د پور په اخیستو سره دې ولایت ته سفر کړی وو تر څو وکولائ شي په دې ټورنمنټ کې ګډون وکړي.

د افغانستان د فوټبال فدراسیون مسؤلینو د هر لوبغاړي د مهارت او کړنې پر بنسټ، د دې ۶ ټیمونو له ډلې ۲۶ کسه وټاکل. د دې لوبغاړو شمېر به د جون په ۳۰ نېټه په یوې ډله ییزې لوبې کې د یوې دقیقې ټاکنې څخه وروسته ۲۱ کسانو ته راټیټ شي. ۲۶ لوبغاړي په دوو ټیمونو وېشل کیږي چې د یو بل په وړاندې به سیالۍ ترسره کړي. د افغانستان د فوټبال د فدراسیون مسؤلین به په دې لوبه کې د وروستیو ۲۱ کسانو لست وټاکي چې په رسمي توګه به د لوېدیځ له سیمې او د "میوند اتلان" د ټیم څخه استازیتوب وکړي.