د ننګرهار سیمه ییز ټورنمنټ د اپریل د ۲۸ نېټې څخه تر ۳۰ پورې د جلال آباد ښار د شېرزی په اسټډیوم کې په لاره واچول شو. د هېواد د ختیځ زون څخه څلورو ټیمونو په دې ټورنمنټ کې ګډون کړی وو. ننګرهار الف، ننګرهار ب، لغمان او نورستان. دا لومړی ځل وو چې د نورستان ټیم په دې ټورنمنټ کې ګډون وکړ او ښه لوبه یې هم ترسره کړه. د دې ټیمونو ځینو لوبغاړو د لرو پرتو کلیو او سیمو څخه، د شته ستونزمنو شرایطو سره باید سفر کړی وی تر څو د فوټبال په اړه خپل شور او شوق پوره کړي.  
د لومړي ځل لپاره د هرات ولایت څخه اوه لوبغاړو د دې پر ځای چې د هېواد د لوېديځ په ټورنمنټ " د طوفان هریرود ټیم" کې یې ګډون کړی وی، د هېواد د ختیځ په سیمه ییز ټورنمنټ " د سپين غر بازان ټیم" کې یې ګډون کړی وو. دا لوبغاړي د فوټبال نامتو څيرې لکه د ملي ټیم لوبغاړی، رفیع بارکزی او همدارنګه سلیم، سالم، منان او وزیر ول. د هغه لوبغاړو لیدل چې د بیلابیلو سیمو او قومونو څخه ول او د یو بل سره یې په یو واحد ټیم کې لوبه کوله، د افغانستان روشن د غوره لیګ په دې څپرکي کې یو ډیر مثبت بدلون وو.
د افغانستان د فوټبال فدراسیون مسؤلیونو د هر لوبغاړي د مهارت او کړنې پر بنسټ، د هغوي د دې څلورو ټیمونو له ډلې ۲۶ غوره کسان وټاکل. د دې لوبغاړو شمېر به د جون په ۲۱ نیټه په یوې ډله ییزې لوبې کې د یوې دقیقې ټاکنې په لړ کې ۲۱ کسانو ته راښکته شي. ۲۶ لوبغاړي په دوو ټیمونو وېشل کیږي چې د یو بل پر وړاندې به لوبه وکړي. د افغانستان د فوټبال د فدراسیون د مسؤلینو له خوا ۲۱ ټاکل شوي لوبغاړي به په وروستي لیست کې شتون ومومي چې په رسمي ډول د ختیځ زون ټیم او د "سپین غر بازان" څخه استازیتوب کوي.