، د ۱۳۹۶ کال د وږې ۲۳ نېټه، د عقابان هندوکش او شاهین آسمایی تر منځ د افغانستان غوره لیګ یوه بله هیجانوونکې سیالۍ د افغانستان فوټبال فدراسیون په سټوډیوم کې په لاره اچول کېږي. دا سیالۍ له غرمې نه وروسته په ۰۳:۳۰ بجو پیلېږي.
دا د افغانستان غوره لیګ د شپږم څپرکې ډلهییز پړاو پنځمه سیالۍ ده. د پچې اچونې پر اساس، دواړو نوموړو لوبډلو په «الف» ډلې کې ځای وموند.
شاهین آسمایي د افغانستان فوټبال سټوډیوم په لوبغالې کې خپلې لومړۍ سیالۍ کې د خپل سیال پر وړاندې واکمنه ښکاره شوه تر څو وکولای شي د دې څپرکې په لړ کې هم په پرلپسې توګه بریالې شي او د څلورم ځل لپاره د اتلولۍ سرلیک ته ځان لا نږدې کړي. د یوې ساښکوونکې سیالۍ په دوام کې، آسمایي د ۴ – ۳ پایلې سره د هېواد ختیځ زون استازې، د سپینغر بازان لوبډله له ماتې سره مخامخ کړه. فرهاد اندر، حمید حبیبي، او انور اکبري ځینې هغه لوبغاړي وه چې د شاهین آسمایي لپاره یې ګولوهنه وکړه.
عقابان هندوکش چانس ترلاسه نه کړ چې خپله دفاعي کرښه تړلې وساتي او د شپږم څپرکې په لومړې سیالۍ کې خپل درې امتیازونه حفظ کړي. په دې کتنې کې، عقابان و نه شو کولای د خپل سیال پر وړاندې د خپل بریدونو څخه کومه ګټه پورته کړي او په پای کې، آمو لوبډلې په ۴۹ دقې کې د یوې ضد حملې څخه په ګټې اخیستنې عقابان له ماتې سره مخامخ کړ.
د عقابان هندوکش لوبډلې مدیر، احمد ضیاء وویل: «نیمهپایلني پړاو ته د رسېدنې لپاره او همدارنګه د حذف څخه د مخنیوي په موخه، عقابان هندوکش باید د دوهم ځل لپاره د خپل پرلپسې ماتې څخه مخنیوی وکړي. څرګنده ده چې، د عقابان هندوکش لپاره د شاهین آسمایي د بریدونو څخه مخنیوی آسانه کار نه دی خو دا ناممکنه هم نه ده.» هغه وویل: «موږ د خپلې لوبډلې په ترکیب کې ګڼشمېر بدلونونه راوېستي او په دې سیالۍ کې مو د بریا لپاره ټول اړین چمتووالې اخیستي.»
دا سیالۍ په ژوندۍ بڼه د طلوع او لمر ټلویزونونو، همدارنګه د آرمان او آراکوزیا اف ام راډیوګانو له لارې خپرېږي. تاسو کولای شئ په آنلاین توګه دا سیالۍ د افغانستان غوره لیګ رسمي یوټیوب پاڼې څخه هم تعقیب کړئ. د دې سیالیو د غوره شېبو کلیپونو نندارې لپاره د غوره لیګ یوټیوب پاڼې (www.youtube.com/afghanpremierleague) کې ګډون وکړئ. د خپل په زړهپورې لوبډلې د تازه انځورونو نندارې لپاره (Afghanpremierleague.official) اېنسټاګرام پاڼه لایک کړئ. د راتلونکي پېښو په اړه لا زیاتو معلوماتو لپاره د غوره لیګ وېبپاڼې (www.afghanpremierleague.com) ته مراجعه وکړئ.