د هېواد مرکزي زون سیال، عقابان هندوکش او د سپینغر بازان تر منځ سیالۍ نن د ۱۳۹۶ کال د تلې په ۶ نېټه د افغانستان فوټبال فدراسیون لوبغالې کې په لاره واچول شوه. دا د افغانستان غوره لیګ د ډلهییز پړاو ۱۱ سیالۍ وه. د ۹۰ دقیقې په زړهپورې سیالۍ وروسته، د سپینغر بازان خپل سیالې لوبډلې ته د ۱ – ۰ پایلې سره ماتې ورکړه او د درې امتیازونو ترلاسه کونې سره یې وروستۍ پړاو ته لاره وموندل.
عقابان هندوکش تېرې سیالۍ کې، خپل سیال، د پنځم څپرکې اتل لوبډلې، شاهین آسمایی ته د ۲ – ۰ غوره پایلې سره ماتې ورکړه. د یادونې وړ ده چې شاهین آسمایی یو له هغو لوبډلو څخه ده چې د سږ کال اتلولۍ سرلیک ګټنې لپاره په جدي توګه هڅه کوي نو ځکه عقابان هندوکش ډېره ډاډه وه چې په آسانۍ کولای شي بازان لوبډله له ماتې سره مخامخ کړي. که څه هم، نن عقابان د ټولو فرصتونو په شتون که و نه شو کولای خپل واکمني په ډاګه کړي. عقابان د خپل سیال لوبډلې د ګول په لور ځینې غوره بریدونه ترتیب کړه مګر هیڅ یو برید څخه یې کومه ګټه ترلاسه نه کړه.
د سپینغر بازان هم و نه شو کولای په لومړۍ نیمې کې د خپل فرصتونو څخه کومه ګټه ترلاسه کړي او ټوله بریدونه یې په پرلپسې توګه د عقابان د دفاعي کرښې لهخوا تم شوه.
لومړۍ نیمه د ۰ – ۰ پایلې سره پای ته ورسېدل، دواړو لوبډلو یو بل باندې فشار راوېست مګر کومه ګټه یې ترلاسه نه کړه. تر څو چې د دویمې نیمې پیل سره، په ۴۹ دقیقې کې د عقابان هندوکش د دفاعي کرښې د یوې خطا سره شاداب شاه، د بازان برید کوونکي فرصت ترلاسه کړ تر څو توپ د خپل سیال ګول ته د ننه کړي.
عقابان په دویمې نیمې کې هم کمزوره ښکاره شوه او یې نه شو کولای د ډلهییز پړاو څخه د حذف کېدنې مخنیوی لپاره لږ تر لږه د یو ګول ترسره کړي. د نن ورځې سیالۍ ۱ – ۰ پایلې سره، عقابان د غوره لیګ شپږم څپرکې سره خدایپاماني وکړه.
بلې خوا ته، د سپینغر بازان لوبډلې د درې امتیازونو ترلاسه کونې سره «الف» ډلې کې په ټولهییزه توګه شپږ امتیازونه په خپل نامه ثبت او نیمهپایلني پړاو ته یې لاره وموندل. شاهین آسمایي هم شپږ امتیازونه په واک کې لري او اوس ټاکل شوې چې په نیمهپایلني پړاو کې سیالۍ ترسره کړي.
د سرشمېرنو پر اساس، ۶۰ سلنه لوبه او میدان د سپینِغر بازان په واک کې وو. د سپینغر بازان لوبډلې میوند توخي د غوره لوبغاړي ډالۍ ترلاسه کړه.
سبا، د ۱۳۹۶ کال د تلې په ۷ نېټه، د اباسین څپې لوبډله له غرمې نه وروسته په ۰۳:۰۰ بجو د افغانستان فوټبال فدراسیون کې د طوفان هریرود پر وړاندې لوبه ترسره کوي.
د دې سیالۍ بشپړ کلیپ نندارې لپاره د افغانستان غوره لیګ یوټیوب پاڼه (www.youtube.com/afghanpremierleague) تعقیب کړئ. د خپل په زړهپورې لوبډلې د تر ټولو تازه انځورونو د نندارې لپاره د غوره لیګ اېنسټاګرام پاڼه (Afghanpremierleague.official) لایک کړئ. د غوره لیګ د راتلونکي بهیرونو په اړه د لا زیاتو معلوماتو لپاره د لیګ رسمي وېبپاڼې (www.afghanpremierleague.com) ته مراجعه وکړئ.