د خوست سیمه ییز ټورنمنټ د جون د ٢ نېټې څخه تر ۶ نېټې پورې د خوست ولایت په مرکز، د خوست د فوټبال په سټدیوم کې په لاره واچول شوو. د خوست ، لوگر ، پکتیا ، پکتیکا ، غزنی او میدان وردک په نوم شپږ ټیمه، د لوېدیځ ختیځ د سیمې هغه ۶ ولایتونه ول چې په دې ټورنمټ کې د ګډون لپاره د ډیرو سختو ستونزو په زغملو سره راغلي ول تر څو وکولائ شي خپل هیلې په ریښتیا بدلې کړي.

" د خوست ولایت سیمه ییز ټورنمنټ د سختو بارانونو ورېدو ته په کتو سره وروسته له یوې ورځې ځنډ څخه په بریالیتوب ترسره شوو. زرګونو مینه والو د خپل ټیمونو د هڅولو لپاره له خوست، پکتیکا، پکتیا، میدان وردک، غزني او لوګر ولایتونو څخه په دې لوبه کې ګډون کړی وو. درې لوبغاړي په سخته ټپې شول چې د هغوي روغتیایي لګښت د لیګ لخوا ورکول شو."

د افغانستان د فوټبال فدراسیون مسؤلینو د هر لوبغاړي د مهارت او کړنې پر بنسټ، د دې ۶ ټیمونو له ډلې ۲۶ کسه وټاکل. د دې لوبغاړو شمېر به د جولای په ٢٤ نېټه په یوې ډله ییزې لوبې کې د یوې دقیقې ټاکنې څخه وروسته ۲۱ کسانو ته راټیټ شي. ۲۶ لوبغاړي په دوو ټیمونو وېشل کیږي چې د یو بل په وړاندې به سیالۍ ترسره کړي. د افغانستان د فوټبال د فدراسیون مسؤلین به په دې لوبه کې د وروستیو ۲۱ کسانو لست وټاکي چې په رسمي توګه به د جنوب شرق له سیمې او" د اباسین څپې " د ټیم څخه استازیتوب وکړي.