د جوزجان سیمه ییز ټورنمنټ د مې د ٢٢نېټې څخه تر ٢۵ نېټې پورې د جوزجان ولایت د مرکز د شبرغان د فوټبال په سټدیوم کې په لاره واچول شوو. د جوزجان ، سرپل ، سمنگان ، فاریاب، آرمان بلخ او امید بلخ په نوم شپږ ټیمه، د شمال د سیمې هغه ۵ولایتونه ول چې په دې ټورنمټ کې د ګډون لپاره د ډیرو سختو ستونزو په زغملو سره راغلي ول تر څو وکولائ شي خپل هیلې په ریښتیا بدلې کړي.

د فوټبال زرګونه پر شوره مینه وال د جوزجان د سیمه ییز ټورنمنټ لپاره چې د " سیمرغ البرز" د ټیم د لوبغاړو د ټاکلو په موخه ترتیب شوي وه، راټول شوي ول. مینه وال د سرپل، فاریاب، سمنګان او بلخ ولایتونو د لرې سیمو څخه د خپل ټیم د هڅولو لپاره راټول شوي ول. د فاریاب او جوزجان تر منځ په سیمه کې د هغوي د تل پاتې سیالۍ لپاره لوبه ډیره ستونزمنه او فزیکي وه. هیجان او خوښۍ د مینه والو په څیرو کې ښکاریده او د هغوي ګڼ شمېر ګډون د فوټبال سره د شمالیانو د مینې ښکارندوئ وه. په تېرو دوو لیګونو کې ګډون او د ملي ټیم بریالیتوبونو د ځینو لوبغاړو لپاره هیجان او ښه انګیزه رامنځته کړې وه په داسې توګه چې د هغوي غوره نندارې په ذهنونو کې د یو ښه ملي ټیم د درلودو هیله ژوندۍ کړه.

د افغانستان د فوټبال فدراسیون مسؤلینو د هر لوبغاړي د مهارت او کړنې پر بنسټ، د دې ۶ ټیمونو له ډلې ۲۶ کسه وټاکل. د دې لوبغاړو شمېر به د جون په ۳۰ نېټه په یوې ډله ییزې لوبې کې د یوې دقیقې ټاکنې څخه وروسته ۲۱ کسانو ته راټیټ شي. ۲۶ لوبغاړي په دوو ټیمونو وېشل کیږي چې د یو بل په وړاندې به سیالۍ ترسره کړي. د افغانستان د فوټبال د فدراسیون مسؤلین به په دې لوبه کې د وروستیو ۲۱ کسانو لست وټاکي چې په رسمي توګه به د شمال له سیمې او د " سیمرغ البرز" د ټیم څخه استازیتوب وکړي.