په «الف» ډلې کې د خطر څخه نجات ترلاسه کونې لپاره د سپینغر بازان او موجهای آمو، هغه دوې لوبډلې چې په ډلهییز پړاو کې د یوې بایلې او هیڅ امتیاز نه درلودنې سره د حذف کېدنې له خطر سره مخامخ دي، نن، د ۱۳۹۷ کال د تلې په ۲۱ نېټه، له غرمې نه وروسته په ۰۶:۰۰ بجو د افغانستان فوټبال فدراسیون کې په لاره واچول شوه. دا د افغانستان غوره لیګ رحماني بنسټ ډلهییز پړاو اوومه سیالۍ وه.
د لوبې پیل کې د سپینغر بازان لوبډلې تر منځ د څو پاسونو راکړې ورکړې وروسته، موجهای آمو ډېر ژر د هغو د پاسونو لړۍ پرې کړه او په داسې حال کې چې خپل سیال یې دفاعي کرښې کې پرشاتګ ته اړ کړ، د لوبې لومړنې مګر بېپایلې ضربه یې د سپینغر بازان د ګول په لور ترسره کړه؛ مګر له دې برید وروسته د سپینغر لوبډلې ژر تر ژره یو ضد برید ترسره کړ او په پایلې کې یې د نوموړې لوبډلې تکړه لوبغاړي، فرهاد اندړ په ۸ دقیقې کې د لوبې لومړۍ ګول ترسره کړ.
بلې خوا ته، د موجهای آمو څخه خسرو ګلدوست، هغه لوبغاړی چې د ټپيکېدنې له امله یې د نن ورځې سیالۍ کې د ګډون امکانات ډېر کم وه، مګر وعده یې کړې وه چې په هر حال کې خپلې دندې ته حاضرېږي؛ د لوبې په ۲۷ دقیقې کې د مساوي ګول ترسره کړ او لوبې ته یې د دوهم فاز حالت ورکړ.
دواړو لوبډلو د مخکښ کېدنې په لټه کې، د لومړۍ نیمې تر پایلني شېبو پورې په مساوي توګه مبارزه وکړه.
موجهای آمو دوهمه نیمه تر خپل سیال وړاندې کېدنې په لټه کې د لا زیاتو هڅو سره پیل کړه او د خپل سیالې لوبډلې د ګول په لور یې پرلپسې بریدونه ترسره کړل، مګر زرغوناغوستونکو لوبغاړو په غوره توګه دا بریدونه دفع کړل او د ضد بریدونو څخه یې د پام وړ ګټه پورته کړه.
که څه هم موجهای آمو ۵۵ سلنه لوبه په واک کې درلودل، هیڅ یوې لوبډلې و نه شو کولای د لوبې تر پایه ۱ – ۱ مساوي پایلې کې کوم بدلون رامنځ ته کړي. خسرو ګلدوست د لوبې مساوي ګول ترسره کونې سره، د غوره لوبغاړي ډالۍ ترلاسه کړه.
د دې سیالۍ غوره شېبو نندارې لپاره د افغانستان غوره لیګ یوټیوب پانې(www.youtube.com/afghanpremierleague) څخه لیدنه وکړئ. د خپل په زړه پورې لوبغاړو او لوبډلې د تر ټولو تازه انځورونو نندارې لپاره د غوره لیګ اېنسټاګرام پاڼه (Afghanpremierleague.official) تعقیب کړی. د غوره لیګ د راتلونکي بهیرونو په اړه لا زیاتو معلوماتو لپاره د لیګ رسمي وېبپاڼې (www.afghanpremierleague.com) ته مراجعه وکړئ.