موجهای آمو د افغانستان روشن غوره لیګ ۱۳۹۵ کال د سترو هیلو او بشپړ ډاډ سره پیل کړ. د دې څپرکې پچهاچونې، موجهای آمو د ډلهییز پړاو په «ب» ډلې کې راوستل، څرنګه چې دا لوبډله د سیمرغالبرز، عقابان هندوکش، او د سپینغر بازان پر وړاندې لوبېدنې ته اړ شوه.
د آمو لوبډله په ډلهییز پړاو کې د ۰ – ۱ پایلې سره د عقابان هندوکش له وړاندې تېره شوه. که څه هم، د سیمرغ پر وړاندې د موجهای آمو هلېځلې د ۱ – ۴ پایلې سره پای ته ورسېدې مګر د ډلهییز پړاو په دریمې لوبې کې د ۱۳۹۴ کال اتلولۍ سرلیک مدافع (د سپینغر بازان) پر وړاندې د دې لوبډلې ۲ – ۰ پایله یو د پام وړ لاسته راوړنه وه.
آمو د ۶ امتیازونو ترلاسه کونې سره د پنځم څپرکې نیمهپایلني پړاو ته لاره وموندل، چېرته چې د سهیل استازی، د میوند اتلان د هغو په تمه وو. موجها د دې پړاو په تګ لوبې کې د ۲ – ۳ پایلې سره د خپل پیاوړي سیال څخه ماتې وخوړل. د دې پایلې د جبران لپاره، د آمو لوبغاړي په راتګ لوبې کې د میوند اتلان د ګول پر وړاندې ګڼشمېر شاټونه ووهل خو د هغو دا هڅې کومه ګټه نه درلوده او اتلان د ۲ – ۰ پایلې سره موجهای آمو ته ماتې ورکړه. له دې ماتې سره د دې لوبډلې یوازینې هیله، د افغانستان روشن غوره لیګ ۱۳۹۵ کال دریم مقام سیالۍ وه.
د دې څپرکې په ردهبندۍ سیالۍ کې، موجهای آمو د سیمرغ البرز پر وړاندې لوبېدنې ته اړ شوه. د دې لوبډلې لوبغاړو د لوبې په پیل کې هڅه درلوده چې د خپل چټک بریدونو سره خپل سیال تر اغېزې لاندې راولي او د بریا سره خپل کور ته ستانه شي. که څه هم، سیمرغ وکولای شو خپل ور تړلی وساتي او د ۱ – ۰ پایلې سره موجهای آمو ته ماتې ورکړي.
موجهای آمو د افغانستان روشن ۱۳۹۵ کال څلورم مقام ګټونکي په توګه وپېژندل شو.
تېر کال، آمو د خپل هڅو او دریز سره د لومړي ځل لپاره د خپل کلوب په تاریخ کې د افغانستان روشن غوره لیګ ۱۳۹۴ کال نیمهپایلني پړاو ته لاره وموندل؛ په هغه څپرکې کې د افغانستان روشن غوره لیګ – فیفا ننګیالي لوبې ډالۍ دې لوبډلې ته ځانګړې شوه.
د دې سیالیو بشپړ ویډیو کلیپونه او په زړهپورې حساسې شېبې د افغانستان روشن غوره لیګ یوټیوبپاڼې www.youtube.com/afghanpremierleague کې د لاسرسۍ وړ دي. د پنځم څپرکې انځورونو نندارې لپاره مهرباني وکړئ د افغانستان روشن غوره لیګ اېنسټاګرام پاڼه afghanpremierleague.officialتعقیب کړئ. د افغانستان روشن غوره لیګ ۱۳۹۵ کال سیالیو په اړه لا زیاتو معلوماتو لپاره مهرباني وکړئ د www.afghanpremierleague.com ته مراجعه وکړئ.