د افغانستان غوره لیګ د شپږم څپرکې وروستۍ سیالۍ نن، د ۱۳۹۶ کال د تلې په ۷ نېټه، د افغانستان فوټبال فدراسیون لوبغالې کې په لاره اچول کېږي. ټاکل شوې د طوفان هریرود لوبډله د اباسین څپې پر وړاندې لوبه ترسره کړي. دواړې لوبډلې په «الف» ډلې کې ځای لري.
له دې نه وړاندې، د اباسین څپې د شاهین آسمایي پر وړاندې خپلې لومړۍ کتنې کې د ۱ – ۰ پایلې سره ماتې وخوړل، په داسې حال کې چې دویمې کتنې کې د میوند اتلان پر وړاندې ولوبېدل او دې ځل یې هم د خپل قطعي ماتې څخه مخنیوی و نه شو کړای. په دوهمې کتنې کې، د اباسین څپې ۶ – ۳ پایلې سره د میوند اتلان څخه ماتې وخوړل. د دوه ځل ماتې له کبله، دې لوبډلې و نه شو کولای کوم امتیاز ترلاسه کړي او په پرلپسې توګه د شپږم ځل لپاره د افغانستان غوره لیګ په ډلهییز پړاو کې حذفه شوه.
بلې خوا ته، طوفان هریرود په خپلې لومړۍ کتنې کې د میوند اتلان پر وړاندې لوبه ترسره کړه او لوبه یې د سترې انګېزې سره پیل کړه، څرنګه چې د لومړۍ نیمې په څلورمې دقیقې کې یې یو ګول ترسره کړ خو په دوام کې بیا ډېره کمزورې ښکاره شوه او د ۴ – ۲ پایلې سره یې میدان خوشي کړ. که څه هم د سیمرغ البرز پر وړاندې دویمې کتنې، طوفان هریرود لږ ښه وځلېدل مګر بیا یې هم د لوبې ۱ – ۱ پایلې کې کوم بدلون راوېستای نه شو او په پای کې یې یو امتیاز په خپل نامه ثبت کړ. د یوې بریا او یو مساوي پایلې سره، طوفان هم په ډلهییز پړاو کې تم شو. طوفان هریرود تېر کال هم په ډلهییز پړاو کې حذفه شوه او نیمهپایلني پړاو ته یې لاره و نه موندل.
د نن ورځې سیالۍ کې، د هیڅ یوې لوبډلې بریا نه شي کولای د هغو په برخهلیک کې کوم بدلون رامنځ ته کړي.
دا سیالۍ په ژوندۍ بڼه د طلوع او لمر ټلویزونونو، همدارنګه د آرمان او آراکوزیا اف ام راډیوګانو له لارې خپرېږي. تاسو کولای شئ په آنلاین توګه دا سیالۍ د افغانستان غوره لیګ رسمي یوټیوب پاڼې څخه هم تعقیب کړئ. د دې سیالیو د غوره شېبو کلیپونو نندارې لپاره د غوره لیګ یوټیوب پاڼې (www.youtube.com/afghanpremierleague) کې ګډون وکړئ. د خپل په زړهپورې لوبډلې د تازه انځورونو نندارې لپاره (Afghanpremierleague.official) اېنسټاګرام پاڼه لایک کړئ. د راتلونکي پېښو په اړه لا زیاتو معلوماتو لپاره د غوره لیګ وېبپاڼې (www.afghanpremierleague.com) ته مراجعه وکړئ.