د شاهین آسمايي او موج های آمو کتنه په داسې حال کې پای ته ورسېده چې د کابل ټیم په لومړۍ نیمه کې څلور ګولونه ترسره کړل. د تېر کال اتل شاهین آسمايي، د موج های آمو بې بریا ټیم لپاره ستونزه جوړونکی سیال وو
په لومړۍ نیمه کې د موج های آمو له خوا د مساوي ګول په ترسره کولو سره، داسې ښکارېده چې دا ټیم غواړي مبارزه وکړي. هغوی خپل دوهم ګول د لوبې په ۹۱ دقه کې ترسره کړ او د ۴ – ۲ پایلې سره یې ترخه ماته تجربه کړه
په دې څپرکي کې شاهین آسمايي تر اوسه د اتلولۍ د مقام د مدافعینو په څېر لوبه کړې ده. دا د دې ټیم دوهمه بریا ده. هغوی هڅه کوي تر څو په خپلې راتلونکې کتنې کې، چې د عقابان هندوکش په وړاندې ده بریا ترلاسه کړي