د افغانستان روشن غوره لیګ ۱۳۹۵ کال، پنځم څپرکی، د ګڼشمېر هیجانوونکي سیالیو او په زړهپورې شېبو سره یو ډېر د پام وړ ټورنمنټ وو. د افغانستان روشن غوره لیګ، د ځوان لوبغاړو لپاره یو غوره فرصت ګڼل کېږي چې په ترڅ کې یې هغوی کولای شي خپل فوټبالي مهارتونه نندارې ته وړاندې کړي څرنګه چې وروسته کېدای شي د ملي لوبډلې په ترکیب کې د هغو څخه ګټه واخیستل شي.
په یوې رسنیزې غونډې کې چې د ۱۳۹۵ کال د وږې په ۱۵ نېټه ترسره شوه، د افغانستان فوټبال فډراسیون مسئولین – ښاغلی کرامالدین کریم، د فډراسیون رییس، محمد یوسف کارګر، د فډراسیون تخنیکي مرستیال، سید عليرضا آقازاده، د فډراسیون مشر منشي، د پنځم څپرکې څخه د ملي لوبډلې لپاره د غورو لوبغاړو ټاکنه اعلان کړه. د لوبغاړو ټاکنې لړۍ د یوې مسلکي کمیټې لهخوا ترسره شوه چې د افغانستان فوټبال فډراسیون لهخوا د دې کار لپاره ګومارل شوې وه. د دې لوبغاړو د پوهنې او روزنې مسئولیتونه به د افغان مسلکي روزونکو پر غاړه وي.
دې کمیټې د ملي لوبډلې پیاوړتیا لپاره، د افغانستان روشن غوره لیګ ۱۳۹۵ کال، پنځم څپرکې څخه لاندیني لوبغاړي غوره کړي دي:
-امرالدین شریفي د شاهین آسمایي
-فیض فیضي د میوند اتلان
-اېمل ګریوال د عقابان هندوکش
-فردین حکیمي د طوفان هریرود
-حمید الله وکیلي د طوفان هریرود
-قسمت احمدزۍ د موجهای آمو
-عبدالمنان عظیمي د میوند اتلان
-سید محمد هاشمي د شاهین آسمایي
د افغانستان روشن غوره لیګ سیالۍ او پهزړه پورې شېبو نندارې لپاره تاسو کولای شئ د www.youtube.com/afghanpremierleague یوټیوب پاڼې ته مراجعه وکړئ. همدارنګه د پنځم څپرکې انځورونو نندارې لپاره تاسو کولای شی د غوره لیګ اېنسټاګرام پاڼې afghanpremierleague.offical ته مراجعه وکړئ او د افغانستان روشن غوره لیګ ۱۳۹۵ کال د پېښو په اړه لا زیات معلوماتو لپاره مهرباني وکړئ د www.afghanpremierleague.com وېبپاڼې څخه لیدنه وکړئ.