د افغانستان روشن غوره لیګ د ښځو د ټورنمنټ په دوهمه لوبه کې نن لس بجې د هرات او بلخ د نجونو لوبډلې له یو بل سره د لوبې ډګر ته وزي. هرات د لومړي پړاو نایبه اتله لوبډله ده چې په خپل ترکیب کې د مجربو لوبغاړو په درلودلو سره هیله لري تر څو په ننۍ لوبه کې هم د لوبې له غښتلو خواوو څخه وي. په تیر کال کې بیا د بلخ لوبډله په دې نه وه توانیدلې چې کومه لوبه وګټي او په دې سره يي څلورم مقام خپل کړی وو.
د ښځو په ټورنمنټ کې مخکي له مخکي لا فوټبال خپل اوج ته رسیدلی ده لکه څنګه چې پرون د کابل لوبډلې وکولای شول د بلخ لوبډلې ته د ۱۰-۰ په پایلې غاښ ماتوونکې ماته ورکړي.
د افغانستان روشن غوره لیګ د ښځو ټورنمنټ په افغانستان کې د فوټبال د مینه والو تر منځ مخکي له مخکي لا ډیر شور او زوږ جوړ کړی ده.
تاسو کولای شئ د ښځو د لوبو ژوندی جریان په طلوع او لمر ټلویزیونونو او همدارنګه په آرمان او آراکوزیا اف ایم راډیوګانو باندي تعقیب کړئ. د دې لوبو د مهمو خبرونو د ترلاسه کولو لپاره تاسو همدارنګه کولای شئ چې د افغانستان روشن غوره لیګ ټولنیزو رسنیو ته هم سر ورښکاره کړئ. (www.afghanpremierleague.com)