د ۱۳۹۴ افغانستان روشن غوره لیګ نوروزي ټورنمنټ، نن ماسپښین ۰۲:۳۰ بجې د ننګرهار، جلالآباد د فوټبال فډراسیون به اسټډیوم کې پرانېستل کیږي. د اتلولۍ د عنوان دفاع کوونکې، شاهین آسمايي، او د میوند اتلان خپل د تګ په لوبه کې د یوبل پر وړاندې لوبېږي.
د میوند اتلانو په یوې ځانګړې دفاعي او پاروونکې لوبې سره وکولای شول چې د اصلي ټورنمنټ نیمه پایلوبو پړاو ته لار پیدا کړي او څلورم ځای خپل کړي. هغوی د دې بریالیتوب څخه لاسته راوړل شوې انرژي سره به، د شاهین لپاره بې لاس او پښو حریف نه وي او خپل ځان د ۱۳۹۴ افغانستان روشن د اصلي غوره لیګ د اتلولۍ د دعوهکوونکو له ډلې څخه بولي.
د افغانستان روشن غوره لیګ د دوه پړاوونو اتل، شاهین آسمايي، د دریمې پرله پسې اتلولۍ د ګټلو سره غواړي، خپل د بریالیتوب لړۍ خوندي وساتي. د افغانستان روشن غوره لیګ په نوروزي ټورنمنټ کې د پایتخت د زیړو جامو اغوستونکو (زیړ پوښو) د اتلولۍ ګومان د نورو لوبډلو په پرتله زیات ده.
پلویان کولای شي دا لوبې په ژوندۍ بڼه د طلوع او لمر ټلویزیونونو او آرمان اف ام او آراکوزیا اف ام راډیوګانو له لارې او همدارنګه په ټولنیزو شبکو کې د افغانستان روشن غوره لیګ ځانګړي سایټونو له لارې تعقیب کړي.
ویب:https://www.afghanpremierleague.com
یوټیوب: https://www.youtube.com/afghanpremierleague
ټویټر: @AfPremierleague
فیسبوک:@AfghanPremierLeague
ګوګل پلاس:@AfghanPremierLeague
اینسټاګرام:@AfghanPremierLeague