د ۲۰۱۳ کال د جون میاشتې له ۴ څخه تر۷ پورې د تخارد څلورو لوبډلو ترمنځ یو تورنمنټ ترسره شو، دغه لوبډلې عبارت دي له بدخشان، تخار، کندز او بغلان څخه.
د دغه تورنمنټ د لوبو د مهال ویش پراساس د لومړنۍ دورې څخه د ۲۶ تنه ټاکل شوي لوبغاړي په څلورو لوبډلو ویشل شوي وه چې هرې لوبدلې د نورو دریو لوبډلو په وړاندې لوبې ترسره کړې.
د میدان سبز په دوهم پړاو کې چې د روژې په مبارکې میاشت کې به په لاره واچول شي له یادو ۲۶ لوبغاړو څخه ۱۸ تنه غوره لوبغاړي وټاکل شي.
دغه لوبغاړي ددې لپاره ټاکل کیږي څو د روشن په پریمیرلیګ سیالیو کې چې د ۲۰۱۳ کال د اګست میاشتې له ۲۲ مې نیټې، څخه د اکتوبر تر ۱۱ نیټې پورې دوام کوي د موجهای آمو لوبډلې استازیتوب وکړي.
د د تخار زون د لوبغاړو ترمنځ سیمه ایز تورنمنټ د افغانستان د فوټبال فدراسیون د تجربه لرونکو او پیاوړو روزنکو له لوري مخ ته یوړل شو چې په پایله کې یې ۲۶ تنه غوره لوبغاړي وټاکل شول.
دغه لوبې د تخار ښار د فوتبال په مرکزي لوبغالي کې ترسره شوي، ددغو لوبو لپاره د څلورو لوبډلو په سلګونه هڅونکي او مینه وال راغلي وه څو خپلې د خوښې لوبډلې او لوبغاړي تشویق کړي.
هغه لوبغاړي چې په لومړي پړاو کې ټاکل شوي دي عبارت دي له :
| د موجهای آمو تیم د ۲۶ لوبغاړو فهرست |
||
| شمیره | نوم | موقعیت |
| ۱ | حزب الله | ګول ساتونکی |
| ۲ | عتیق الله | مدافع |
| ۳ | هدایت الله | مدافع |
| ۴ | حمیدالله | مدافع |
| ۵ | محمد امین | مدافع |
| ۶ | قیوم دولت زی | مدافع |
| ۷ | بصیراحمد | مدافع |
| ۸ | بشیر احمد | د منځني خط لوبغاړی |
| ۹ | جبار عرب | د منځني خط لوبغاړی |
| ۱۰ | قسمت | د منځني خط لوبغاړی |
| ۱۱ | عبد الرحیم | د منځني خط لوبغاړی |
| ۱۲ | قیس | د منځني خط لوبغاړی |
| ۱۳ | کیانوش | د منځني خط لوبغاړی |
| ۱۴ | حاجی محمد سروش | بریدکوونکی |
| ۱۵ | لال پادشاه | بریدکوونکی |
| ۱۶ | محبوب الله | ګول ساتونکی |
| ۱۷ | مجیب الله | مدافع |
| ۱۸ | صابر نوری | مدافع |
| ۱۹ | جواد قاضیزاده | د منځني خط لوبغاړی |
| ۲۰ | خان محمد | د منځني خط لوبغاړی |
| ۲۱ | عیسی | د منځني خط لوبغاړی |
| ۲۲ | عارف | د منځني خط لوبغاړی |
| ۲۳ | واسع ملکزی | بریدکوونکی |
| ۲۴ | رحیم الله | بریدکوونکی |
| ۲۵ | محمد ناصر | بریدکوونکی |
| ۲۶ | عبد الصبور | ګول ساتونکی |