د افغانستان غوره لیګ شپږم څپرکې نیمهپایلني پړاو وروستۍ سیالۍ نن، د ۱۳۹۶ کال د تلې په ۲۸ نېټه د سیمرغ البرز او شاهین آسمایي لوبډلو تر منځ په لاره اچول کېږي. دا د نوموړو لوبډلو تر منځ راتګ سیالۍ ده چې له غرمې نه وروسته په ۰۵:۳۰ بجو د افغانستان فوټبال فدراسیون لوبغالې کې په لاره اچول کېږي.
تېره اونۍ، وروسته له ۴۰ کلونو د هېواد فوټبال په تاریخ کې، د افغانستان غوره لیګ ټیم د نیمهپایلني پړاو سیالۍ د شپې لهخوا پلي کړې. د فوټبال زرګونه مینهوال سټوډیوم ته د دې سیالیو نندارې لپاره راغلل او همدارنګه په هېواد کې د ننه او بهر مېشت افغانانو د ټولنیزو رسنیو له لارې دا بهیر تعقیب کړ.
سیمرغ البرز، د هېواد د شمال زون استازې په پرلپسې توګه د دوهم ځل لپاره شپږم څپرکې کې هم نیمهپایلني پړاو ته لاره وموندل. په پنځم څپرکې کې، سیمرغ البرز نیمه پایلني پړاو کې د موجهای آمو پر وړاندې سیالۍ وروسته دریم مقام خپل کړ. په داسې حال کې چې، اوسني څپرکې کې یادې لوبډلې و نه شو کولای د نیمهپایلني پړاو تګ سیالۍ کې د شاهین آسمایي پر وړاندې ښه وځلېږي او په پای کې د ۱ – ۰ پایلې سره د خپل سیال پر وړاندې تم شوه. د تېرې لوبې ګول د سیمرغ سیالې لوبډلې څخه مصطفی افشار په ۴۲ دقیقې کې ترسره کړ مګر سیمرغ و نه شو کولای د لوبې تر پایه پورې کوم مثبت ځواب وړاندې کړي.
تاج محمد خداداد، د سیمرغ لوبډلې مدیر وویل: «زه او زموږ لوبډله هیلهمن یو تر څو نن په راتګ سیالۍ کې شاهین ته ماتې ورکړو، څرنګه چې د ګولونو توپیر زیات نه دی. د لوبډلې روزونکي په تېرې لوبې کې زموږ د لوبډلې ټولې نیمګړتیاوې ارزولي. د خپل ماتې جبران لپاره، د نن ورځې سیالۍ کې سیمرغ نوي تلنلارې غوره کړي.»
شاهین آسمایي، د غوره لیګ پنځم څپرکې اتلولۍ سرلیک ګټونکې لوبډله د یوې بایلې او دوو بریاوو سره د افغانستان غوره لیګ شپږم څپرکې نیمهپایلني پړاو ته لاره وموندل. په پرلپسې توګه شاهین د دوهم ځل لپاره نیمهپایلني پړاو کې د سیمرغ البرز پر وړاندې لوبه ترسره کوي. د نن ورځې سیالۍ کې، دا لوبډله د مساوي پایلې او یا کم تر کمه یوازې یو مخکښ ګول سره پایلني پړاو ته لاره موندلای شي.
د افغانستان غوره لیګ د شپږم څپرکې د پېښو په اړه د لازیاتو معلوماتو لپاره د غوره لیګ وېبپاڼې (www.afghanpremierleague.com) ته مراجعه وکړئ. د دې سیالیو بشپړ کلیپونه او د (www.youtube.com/afghanpremierleague) یوټیوب پاڼې کې د لاسرسۍ وړ دي. همدارنګه، د خپلې خوښې وړ لوبډلو او لوبغاړو د تازه انځورونو نندارې لپاره د غوره لیګ اېنسټاګرام پاڼه (Afghanpremierleague.official) لایک کړئ.